बुधवार, 18-11-2026
मुख्य संपादकनारायण मनोहर सूर्यवंशीRNI NO: MHMAR/26/A6075
← मुख्यपृष्ठ

पुणे पदवीधर मतदारसंघ विधान परिषद निवडणूक २०२६: प्रा. उत्तम रंगा सकटे यांचा विशेष परिचय

पुणे पदवीधर मतदारसंघ विधान परिषद निवडणूक २०२६: प्रा. उत्तम रंगा सकटे यांचा विशेष परिचय

पुणे, २०२६: आगामी पुणे पदवीधर मतदारसंघ विधान परिषद निवडणुकीच्या पार्श्वभूमीवर, शिवशाही शासन पक्ष पुरस्कृत अप प्राध्यापक उत्तम रंगा सकटे (बी.ए., एम.ए. राज्यशास्त्र, बी.एड.) यांनी आपली उमेदवारी जाहीर केली असून, "पदवीधरांचा आवाज विधान परिषदेत" बुलंद करण्यासाठी ते मैदानात उतरले आहेत.
​शैक्षणिक गुणवत्ता, सामाजिक व राजकीय क्षेत्रातील व्यापक अनुभव आणि पदवीधरांच्या प्रश्नांवर आक्रमक भूमिका यामुळे त्यांच्या उमेदवाराची सर्वत्र चर्चा होत आहे.
​शैक्षणिक पार्श्वभूमी व योग्यता
​प्रा. उत्तम सकटे यांनी शिक्षण क्षेत्रात उच्च शिक्षण घेतले असून त्यांची शैक्षणिक पात्रता खालीलप्रमाणे आहे:
​बी.ए.: यशवंतराव चव्हाण महाराष्ट्र मुक्त विद्यापीठ, नाशिक.
​एम.ए. (राज्यशास्त्र): सावित्रीबाई फुले पुणे विद्यापीठ, पुणे.
​बी.एड.: मुंबई विद्यापीठ, कलिना, कुर्ला, मुंबई.
​सामाजिक व राजकीय क्षेत्रातील मोठा अनुभव
​प्रा. सकटे यांनी विविध सामाजिक संघटना आणि राजकीय पक्षांमध्ये महत्त्वाची पदे भूषवून समाजकारण केले आहे:
​सामाजिक कार्य: अखिल भारतीय मातंग संघ, भारतीय दलित बहुजन महासंघ (प्रदेशाध्यक्ष), मातंग समाज समन्वय कृती समिती, भारतीय लहुजी सेना, राष्ट्रीय मातंग शक्ती, लहुजी शक्ती सेना (मुख्य सचिव, ठाणे जिल्हा), भारतीय माहिती अधिकार समिती, महाराष्ट्र परिवर्तन सेना, दलित विकास आघाडी आणि मातंग एकता आंदोलन यांसारख्या प्रमुख संघटनांमध्ये त्यांनी विविध पदांवर कार्य केले आहे.
​राजकीय प्रवास: भारतीय राष्ट्रीय काँग्रेस, राष्ट्रवादी काँग्रेस पक्ष आणि भारतीय जनता पार्टी (पथविक्रेता फेरीवाला प्रकोष्ठ संयोजक, पिंपरी-चिंचवड शहर जिल्हा) अशा विविध पक्षांमध्ये वार्डाध्यक्ष, ब्लॉक सचिव, सरचिटणीस व प्रकोष्ठ संयोजक म्हणून त्यांनी प्रभावी काम पाहिले आहे.
​उल्लेखनीय सामाजिक कार्य व आंदोलने
​पुतळा स्थापना व आयोजन: चेंबूर (सुमन नगर) येथे साहित्यरत्न लोकशाहीर आण्णाभाऊ साठे यांच्या अर्धाकृती पुतळ्यासंदर्भात तसेच चिंचवड येथे आद्य क्रांतिवीर लहुजी साळवे व क्रांतिवीर वासुदेव बळवंत फडके यांच्या जोड पुतळ्याच्या उभारणीत व जयंती उत्सवात त्यांचे मोठे योगदान आहे.
​महामंडळ निर्मितीसाठी लढा: लोकशाहीर आण्णाभाऊ साठे विकास महामंडळाच्या निर्मितीसाठी काढण्यात आलेल्या दिल्लीपर्यंतच्या ऐतिहासिक मोर्च्यात त्यांनी सहकुटुंब सहभाग घेतला होता.
​संघटित कार्य: 'शिव प्रेरणा बहुजन युवा प्रतिष्ठान'च्या माध्यमातून उच्च पदवीधर व पदवीधर युवकांना एकत्र आणणे, स्पर्धा परीक्षांचे मार्गदर्शन आणि नोकरी-उद्योगासाठी युवकांना प्रेरित करण्याचे काम ते सातत्याने करत आहेत.
​निवडणुकीचे प्रमुख ध्येय व अजेंडा
​प्रा. उत्तम सकटे यांनी पदवीधर मतदारसंघासाठी एक स्पष्ट आणि विकासात्मक ध्येय समोर ठेवले आहे:
​डेटा संकलन: पदवीधरांना एकत्र करून महाराष्ट्र राज्य पातळीवर त्यांचा अचूक डेटा संकलित करणे.
​शैक्षणिक व आर्थिक विकास: पदवीधरांचे जीवनमान उंचावणे, परदेशी शैक्षणिक सेवा-सवलतींची माहिती देणे आणि उच्च पदवीधर व शिक्षकांसाठी नोकरी-उद्योगाच्या संधी उपलब्ध करणे.
​मुख्य भूमिका ("एकतर नोकरी द्या, अन्यथा सन्मान भत्ता"):
​"जोपर्यंत शासन पदवीधरांना नोकरी देत नाही, तोपर्यंत त्यांना सन्मान भत्ता म्हणून दरमहा पगार देण्यात यावा," अशी ठाम व आक्रमक भूमिका घेत विधान परिषदेत हा प्रश्न लावून धरणार असल्याचे त्यांनी स्पष्ट केले आहे.
​निवडणूक अपिल:
पुणे पदवीधर मतदारसंघाच्या विकासासाठी आणि पदवीधरांच्या न्याय हक्कासाठी प्रा. उत्तम रंगा सकटे यांना पसंती क्रमांक १ चे मत देऊन बहुमताने विजयी करावे, असे आवाहन त्यांच्यावतीने करण्यात येत आहे.